名人戰商界——投資6位數賣潮服 BOB做第二個沈嘉偉

       新城DJ兼無線J2台《兄弟幫》主持林盛斌(大頭BOB)好識食腦,早前斥資6位數字進軍時裝界,入股朋友經營的潮服店「POPCORN」做埋老闆同生招牌,希望借助幕前的知名度打響名堂,成為第二個「時裝達人沈嘉偉」!採訪:方騫平

      BOB解釋最初很多朋友游說他搞生意,但最終投資潮服店,原來有他的一套理論,他說:「朋友游說過我開糖水舖同食店,但我都冇興趣,唯獨時裝店比較有可為,年輕人個個都會着牛仔褲同tee,呢間時裝店開業年幾,我都有着佢哋嘅潮服,而朋友又夠老實,與其係咁,不如做埋生招牌啦!」

      提到對生意的展望,BOB滿肚密圈說:「我同partner都有一個終極理想,就係做到時裝達人沈嘉偉咁,由10多年前開設Green Peace再不斷擴展業務,成為連鎖時裝店!就算他朝冇得撈幕前,都可以轉移搵食陣地,唔駛踎墪,不愁冇錢養妻活兒!」

      靠人流搵食

      「POPCORN」只得300呎,暫時只賣男裝,主打美版水貨,好似Levis牛仔褲,比其他店鋪平40%,3百幾蚊就有交易,所以BOB表示只是賺到微利,好彩店舖位於碧街就近油麻地港鐵站,又是地舖,人流還算多。

      

hd