名人戰商界——郭少芸百萬賣台灣菜 難請人轉戰美食廣場

       郭少芸繼04年在朗豪坊開設餐廳「match-too」(簡單廚房)後,最近再接再厲投資百萬,在同一個商場的美食廣場開設「小台北」專賣台灣菜。原來少芸因最低工資影響請不到人手,迫於無奈唯有轉戰到美食廣場開店。

      採訪:杜淑霞?攝影:徐錦池

      少芸在開設「match-too」前,曾跟家姐及姐夫投資過餐廳,最後因經驗不足,加上遇着沙士,結果損手離場,所以再投資時,她事事都親力親為,今次再投資「小台北」都不例外,「之前大廚去台灣學藝,我都想跟埋去㗎!可惜要開工,好在有家姐同姐夫佢哋睇住,所以我都好放心。」

      少芸最初打算再開餐廳,已經一直聘請人手,可惜登報多時都沒回音,最後機緣巧合下才轉到美食廣場開店,「自從實施咗最低工資之後,真係好難請人,咁啱商場美食廣場又有位,但係人手可以少好多,至少慳咗請樓面,於是咪試下喺嗰邊開店,兩間舖同一層,看舖同人手調配都方便好多。」

      

hd