名人戰商界——開時裝店夢想成真 楊柳青日行十小時入貨

        Now TV 102《Fashion Seoul大激戰2》主持楊柳青(Wiyona)自小已夢想開舖頭,直至長大後當了模特兒,貪靚的她不時將造型照放上網獲網友好評,她便索性開時裝店。七年前她開Online Shop試水溫,做了三年,她與朋友合資在太子開實體店,首月已賺十萬。兩年後,她自立門戶在尖沙咀再開,可惜獨力做非常吃力,年半便要止「賺」離場。至去年底,與經營首飾品牌的陳樂榣(Alley)一拍即合,在長沙灣工廈開設新店「Viva La Diva」。她每月都會到韓國入貨,日日行足十小時,務求搵到平靚正的衫褲鞋襪與一班Fans分享。撰文:李佩儀 攝影:沈灝南

經營多年時裝生意,Wiyona覺得品質最重要,「以前我上網買嘢都試過質料唔好,所以我揀衫著重Quality,當客人買過一兩次,建立左信心就會返轉頭。」為了「保證」兩個字,她每月都會到韓國入貨,一去就是五日,「日日由夜晚八點行到第二朝六點,啲Friend成日話使乜咁辛苦,睇完相訂咪得囉,但我覺得要試上身先知好唔好睇。」就是這份堅持,現時已儲了班熟客。

  她覺得有心做實有錢賺,可惜近年模特兒和主持工作愈來愈忙,有時無時間去入貨,客人就會有微言:「點解又係呢啲?」即使有投資者想打本給她出一系列手袋,她都沒有時間做。她解釋:「其實我之前出左個窩釘背囊,由於比較中性,男女及四季都用得,所以啲客好鍾意,o依家已經賣左幾百個,但未Ready去做一系列嘅產品。」她明白藝人生涯短暫,現時先專注幕前工作,時裝店當多條出路,故稍後才考慮推出自家品牌。

hd