名人戰商界——擁6間童裝店 林祖輝望建立上市王國

        早於3年多前,前藝人林祖輝(Thomas)轉型做生意人,目前已是6間童裝店老闆,獨家代理運動品牌童裝。坐落於元朗Yoho Mall的新店月前開幕,童裝生意愈做愈大,他謂:「做藝人目標好清晰,係畀觀眾想睇嘅嘢;同樣地做銷售道理都係一樣,要提供到顧客所需,客人要乜咪畀乜囉。」他更睇中澳門有意開分店,同時又配合市場策略大搞網購,終極目標就望成為上市主席!

Thomas的6間童裝店遍佈於尖沙咀、黃埔、將軍澳、九龍灣、銅鑼灣,以及最新的元朗店。新店千四呎,租金6位數字,位置好人流多,品牌Jordan、Nike、Nike SB、Levi's和Converse等有捧場客,生意額比預期中好,全因他眼光獨到。他分享道:「其實幾年前呢度只係地盤時,我已嚟睇場,因為咁早可以揀到心水舖位,我呢個舖位獨一無二,因為隔籬係走廊位,可以免費用埋幅牆做廣告牌,睇落去會好吸客。當年我吼準元朗係發展中嘅地區,人口愈嚟愈多,而且呢度位於市中心,唔計自由行,都吸納到屯門、上水居民嚟購物。不過,我都有失敗經歷,早期嘅奧海城店,因唔達標而結業。」

開拓網購

  林祖輝現正投放大量資源、人力、物力做網購,希望攻佔龐大的網上童裝市場,理想希望3年後可以上市。問到忙成咁會否忽略家庭?他笑說:「做生意時間先夠彈性,我會朝早5點起身工作,晚上陪老婆仔女。」

採訪:方騫平

場地:Rookie@元朗形點1期2033舖

hd