名人戰商界——誤打誤撞成為女強人 黃伊汶嗌 無時間湊仔

        7年前,36歲的黃伊汶(Emme)由藝人轉型從商,代理法國水晶腕錶品牌Galtiscopio(迦提)殺出一條新血路,上年她代理埋同品牌的時裝手袋,實行multi-brand(多品牌)發展。今年9月,品牌在紐約時裝周行第一個時裝show,席上座無虛設,令她相當興奮。對於被稱女強人,Emme坦承:「依家有喜歡嘅工作、開心家庭同一班好好嘅朋友,自己都ok滿足。」採訪:方騫平

        Emme代理的品牌近日進駐金鐘太古廣場,一提生意Emme講到停唔到。「將品牌帶去一個靚嘅地方,當然租金有返咁上下,咁做可以接觸唔同類型商圈,係一個好嘗試。」近年品牌主打手錶外,多添手飾同時裝,她認為應該要咁做:「手錶唔一定只係襯珠寶,可以襯埋時裝。女仔鍾意Show最靚身形同飾物嚟突顯自信,如水晶皮褸就夠晒sharp,只要識得包裝自己,喺唔同場合都可以閃閃發光。有時自己都會着得好Casual,但會花心思襯啲閃閃手飾同手錶,成個感覺會即刻唔同。」

享受繁忙過程

  主力大搞品牌生意的Emme是否減少幕前演出?她坦言做生意不似演員有休息機會,事無大小都要親力親為,雖然有帶來一定收入,但其間都有攰過,尤其未必可以兼顧到家庭,有時正在處理問題時根本無閒情去湊囝囝陳真,感到好分心。不過,總算好享受過程,因為每個情節都可以增值,以為做唔到嘅事都成功過關,所以好希望喺生活上有個好好平衡,暫時平衡力還叫幾好,生活過得好美滿!

hd