名人戰商界——掟千萬身家搞活髮中心 苑瓊丹自豪幫到人賺開心錢

        苑瓊丹除了幕前演出,近年更變身商界女強人大搞活髮科研中心,最近仲以天文數字購入用牛初乳提煉嘅天然營養產品專利權。投資千萬,苑瓊丹形容放咗成副身家落去,雖然O依家窮到燶,但54歲的苑仔換來一頭濃密的黑髮,髮質亦愈生愈好!她笑說:「我係生招牌,對產品好有信心,最重要係賺開心錢,有錢賺同時可以幫到人,所以我相信有朝一日可以成為香港最有錢嘅女人!」

科研中心面積1500呎,內有7間治療室,員工8人,除了廣告及專利權支出外,苑瓊丹坦言投放了大量資源做多份產品認可的檢查報告,因為她要做良心商人,從數據上比到顧客一個信心保證,她認真地說:「其實我低調獨資呢間生髮公司有10年,期間不斷大膽做白老鼠,尋尋覓覓好嘅生髮產品,試過食有西藥成份搞到水腫,停用後脫髮更多,所以安全認證好緊要,做生意係要賺開心錢,顧客畀錢我賺同時會多謝我,感激我幫佢解決到煩惱,要好似拍喜劇咁令人開心,所以我嘅專利生髮產品係得到香港標準檢定中心攞優質證書,同埋歐盟認可嘅實驗室數據認證。坦白講,用千萬投資喺物業、商舖、車位等項目可能有幾倍回報,不過我覺得今場仗係贏咗,因為真係有市場上需要,自己亦係用家,好多顧客都跟咗我好多年對我產品好有信心。」

唔怕梳古裝頭

  過往苑仔頭髮稀疏,最大困擾係梳古裝頭成日出現穿崩露頭皮狀況:「印象最深刻拍《真情》有個鏡頭要我踎低洗碗,鏡頭前見到條『羅馬大道』好闊,一條條咁好肉酸,始終係藝人嘛。最肉赤梳古裝頭要不停咁去削頭髮,後來索性好似男仔咁黐頭套,唔好再搞我寶貴髮絲。O依家再梳古裝頭都冇問題,自己都係受惠人士,希望多啲人可以受惠。生意人老公好支持我做生意,仲提示我,力不到,不為財,上次經營按摩生意失敗,都係因為呢個原因。」

採訪:方騫平 場地:諾貝爾活髮科研中心

hd