名人戰商界——7位數開小朋友才藝學院 梁梓禧望打造兒童版演藝

        梁梓禧(Roland)早前跟4名股東共投資7位數,在天后開始「香港兒童才藝學院」(HKKTA),入行多年首次做老闆,只因他有感演藝工作較被動,決定搞生意保障未來生活。他目標是打造一間兒童版演藝學院,希望小朋友不是來消磨時間,而是學到有用知識,從而增加個人自信為未來發展做好準備。

        92年入行做DJ的Roland,有感演藝工作近年巿道大不如前,決定搞生意買個保障,「依家間間公司都話淨係請freelance,好冇保障,始終呢行係比較被動,自己年紀都唔細,都要為將來打算吓,搵到一班好拍檔就試下做老闆。」

靠優質師資突圍

  Roland謂拍檔集合商界、教育界和巿場界精英,所以籌備半年便順利開業,「好彩樣樣都好順利,可能拍檔個個都好叻,所以唔係遇到好多困難,最難係設定啲課程,因為我哋想打造一間兒童版嘅演藝學院,學生嚟到唔係齋玩,可以真係學到嘢,令佢哋增加個人自信,為未來成長發展做好準備。」

  由於巿面有大量才藝學堂,而以名人明星掛帥亦不少,Roland有信心突圍全靠師資優質,「我哋嘅導師全部都好專業,喺呢行都有一定知名度,好似陳國邦同羅敏莊咁,同埋我哋嘅課程都係精心設計,譬如有綜合課程,等小朋友可以試晒咁多樣先揀最適合自己嘅,而且定期會有報告俾家長知道學習進度。」

撰文:杜淑霞 攝影:李維隆

hd