名人戰商界——用家變老闆 黃智賢7位數搞醫學美容

        黃智賢(Ben)最近首次投資7位數做老闆,跟兩位醫生朋友在上環開設醫學美容中心「LAPURO自然•美學」,原來他3年前開始成為用家,發現兩位醫生用心服務顧客,不像一般生意人,大家理念相似,決定一齊合作搞生意,他不但出任生招牌,還會不時在店舖打躉,兼幫手接聽顧客查詢電話。

        為了節省化妝時間,Ben在3年前開始接觸醫學美容,「嗰時有啲色斑咁啱喺鼻孔口,有時唔記得遮就搞到好尷尬,但遮又好麻煩,所以決定用醫學美容清除,化妝方便好多,之後其他皮膚小問題都會用呢方面辦法解決。」

適合最重要

  Ben接觸多了除了對醫學美容愈來愈有興趣,亦發覺跟兩位醫生好夾,「佢哋真係唔似搞生意,就算賺少啲都會提議客人用另一個療程,總之令到顧客靚,佢哋就好有滿足感,所以我哋大家理念好相似,咪決定試吓一齊搞,不過最開心應該係我老婆,因為佢可以有得受惠嘛!哈哈!」

  巿面上好多同類店舖,但Ben對生意有信心,「好多舖頭賺錢掛帥,而且未必有醫生主理,我哋賣點係專業同以客人為先。」而他負責宣傳外,也會幫手接聽顧客查詢,「我有時會提議客人做小啲,聽落好似幾倒米,但我哋希望客人做得好,唔係做得多,適合最重要。」

採訪:杜淑霞 髮型:Willie Chan

hd