PACO名人會——栢天男感激導演教導 Stephy譚耀文 《L風暴》演技升級

        由古天樂、張智霖(Chilam)和鄭嘉穎三大型男主演的反貪污電影《L風暴》將於本周四上映,該片導演林德祿繼14年的《Z風暴》和16年的《S風暴》後再執導,這次故事圍繞「洗黑錢」,並加入充滿Energy的鄧麗欣(Stephy)、奸到出汁的譚耀文和靚仔新人栢天男(Adam),三位演員笑談拍攝過程中的驚險過程和趣事。

        《L風暴》講述廉政公署(ICAC)首席調查主任古仔和聯合財富情報組總督察Chilam,同時偵查海關關員謝天華貪污及洗黑錢案。豈料古仔卻被私影模特兒Stephy舉報洗黑錢,結果由廉政公署L組(內部紀律調查組)總調查主任鄭嘉穎負責調查,並展開一連串驚心動魄的故事。

拍跳車戲夠驚險

  Stephy在戲中飾演私影模特兒是為了養家和還債,卻誤打誤撞舉報古仔受賄,令他陷入險境及捲入追查風波。提到「私影」,Stephy笑言:「我接呢套戲前都唔知咩叫私影,原來係俾人約出嚟去啲私人地方影相。」她表示這部男人電影得她一位女性角色,所以每次拍攝前導演都跟她說:「你係戲中唯一有色彩嘅角色,所以場場戲都要演得好有Energy。」她最難忘是有場戲與古仔一齊逃亡,並要在馬路跳車和避車,她坦言場面驚險,但感覺新鮮又好玩。

駁火開槍好刺激

  擁有豐富拍戲經驗的譚耀文,仍稱今次在戲中角色非常富挑戰性:「我演嘅角色係真實人物,佢喺八、九十年代嘅香港係幫人洗黑錢嘅。」其實阿譚以往都演過反派,但導演卻覺得未夠奸,他續說:「導演叫我今次要再奸啲,所以我真係奸到出汁。」其中一場他更要拍槍戰,他憶述:「嗰日成條街都不斷駁火,好耐都冇試過開咁多槍,同埋好難得喺香港可以拍到咁大火力嘅場面。」

獲耐心教講對白

  今次起用的新演員Adam,7年前才由澳洲回港,首次拍電影就跟古仔和Chilam等合作,他坦言壓力好大,加上廣東話不太流利,幸好有導演和各演員的悉心教導,他坦言:「有一場戲我要講啲好專業嘅術語,但我廣東話唔叻,跟住導演就飛紙仔畀我,佢同譚哥都好有耐性咁教我。」而且每當導演和武術指導向他講解完場戲點拍,古仔私底下會問他明唔明,令他感到好窩心。

主持:黃柏高 統籌:林永匡 協力:李佩儀、宋家旋 攝影:李維隆、謝民光 化妝:Cyrus Lee(鄧麗欣)、Alfred@Seven Sense(譚耀文)、 Rainbow Chung@Annie G Chan(栢天男) 髮型:Euling Chow@IL COLPO TST(鄧麗欣)、Wil@Seven Sense(譚耀文)、Zenki Lau@La Mod Salon(栢天男) 服裝:Bally(鄧麗欣) 場地:小喇咩(炮台山木星街18號地下F-G舖)

黃柏高

hd