PACO名人會——來年可專注拍劇 吳岱融鍾淑慧相處最緊要有愛

        吳岱融(Hugo)和鍾淑慧(Lily)因拍戲結緣,結婚23年,兒子吳政樺(Justin)已經21歲。近年吳岱融拍了不少劇集,以《巨輪II》飾演反派高天鷲最令人難忘,未來他想試演搞笑角色。而向來以家庭為重的鍾淑慧,見兒子已長大,她形容可以放手,故會再拍劇,希望等到有發揮的角色。談到夫妻相處之道,兩人同聲表示溝通和融洽好重要,而吳岱融更直言老婆的世界只有他和兒子,他是感受到的,所以自己也不敢怠慢。主持:黃柏高 統籌:林永匡 協力:李佩儀 攝影:李維隆、謝民光 場地:醉胡爐

        來自新加坡的吳岱融,兒子Justin即將要到當地讀書,所以他和太太先陪兒子去打點一切。回港後,吳岱融要拍內地網劇,明年3及4月就繼續拍TVB的劇集。而鍾淑慧都有新發展,她說:「好快要入組,去橫店拍嘢,跟住嘅行程都緊密,先去沙巴再飛去橫店,跟住去完武漢再返橫店開工,(是TVB劇嗎?)唔係,TVB劇暫時未有,所以好期待。」

等發揮角色

  去年吳岱融飾演《巨輪II》的反派高天鷲一角,令人留下深刻印象,他表示等這個有腦的反派角色等了20年,「當監製王心慰嚟搵我演呢個角色,我個心好似跳出嚟咁,終於都等到。」嚟緊他想試演搞笑角色,好似啱啱拍完劇集《牛下女高音》,是輕喜劇類型,他解釋:「起碼拍時會開心啲,如果做反派、苦情戲會好沉重。」而鍾淑慧坦言沒有特定角色想演,她苦笑說:「其實我嘅年紀有少少尷尬,老又老唔晒,後生嘅又冇我份,所以要等囉。」

給太太的歌

  問鍾淑慧為何會再拍劇?她說:「其實我一路都有做嘢,係呢幾年停咗,因為我哋由內地搬返香港,我成日想跟住個仔、陪佢多啲,嗰時放低晒工作,到O依家佢開始唔係太需要我,係時候要放少少手。」係咪等兒子慢慢成長?吳岱融即笑言:「好似係我成長多啲,我係潮州人,爸爸細個鍾意訓練我、指我做嘢,我大個諗住指番個仔做,點知老婆同外母唔畀,又要我做番。」但他不得不承認,與太太鍾淑慧一直相處融洽,「我太太好錫我,佢全個世界都係我同個仔,我係feel到,所以我都唔敢怠慢。」曾經有朋友幫吳岱融寫了首歌《回去愛你十億秒》給太太,他說:「講個男仔20歲娶咗呢個太太,之後成日飲酒搞到太太好徬徨,但太太始終都不離不棄。」

黃柏高

hd