PACO名人會——如願跟曹佑寧合作 陳家樂自爆拍《綁靈》 笑料多頻NG

  由「鬼王」潘紹聰(Edmond)監製的驚慄片《綁靈》,集合港、台兩大男神陳家樂和曹佑寧(小曹)主演,加埋岑日珈夠晒青春無敵。新片根據香港一間學校流傳的鬼故改編,關鍵是一把二戰時期的日本刀,故事講述小曹帶大學同學家樂和日珈回中學母校探險,結果發生很多靈異事件。拍攝時,岑日珈稱每次見到「鬼」都怕是遇到真鬼,反而家樂和小曹就無有怕,因認識做鬼的演員,大家還坐埋一齊吃飯。家樂更笑言有場被鬼爬上身的戲份,因隻「鬼」太貼面覺得尷尬,搞到NG咗好多次,非常搞笑。

主持:黃柏高 統籌:林永匡

協力:李佩儀 攝影:袁東亮、謝民光

場地:鐵板超

  鬼王Edmond表示新片源自香港一個傳說:「香港有間學校有把二戰時期嘅日本刀,間學校以前都係戰場,把刀真係殺過人,佢哋唔敢亂郁,就放咗喺學校嘅密室,之後學校成日鬧鬼,有好多學生都話見過,套戲係源於呢個傳說發生嘅故事。」今次Edmond除了是監製,也扮演一個似癲唔癲的大師,他憶述:「我睇番自己嘅眼神都驚驚哋。」雖然眼神嚇人,但Edmond卻形容造型好突出,「係我從影以嚟最多頭髮嘅,我一出一定好多人笑。」

惺惺相惜

  陳家樂今次飾演一個貪玩又口沒遮攔、最蠱惑又最鍾意追女仔的大學生,他表示角色是根據此片導演陳鵬振的人物設定去做,他解釋:「因為導演成日講衰嘢,同我個角色好似。」他亦好榮幸跟小曹合作,「14年我睇過佢套講棒球嘅出道作《KANO》,我好少入戲院喊成咁,嗰時佢嚟香港宣傳,我真係好想去見佢一面;佢仲憑電影獲得金馬獎新演員提名,真係好勁!」而小曹首次來港拍戲亦好開心,他說:「導演是個很好笑的人,他常常在片場說笑話,過程很快樂,可惜我不懂廣東話,他們聊天時沒法參與。」

遇「鬼」好笑

  問兩男拍攝時有否「撞鬼」?他們不約而同稱一點也不害怕。小曹說:「其實在片場看上去會特別恐怖,但拍的過程是蠻好笑的,因為在戲中有好幾隻鬼,在吃飯的時候,會看到他們在前面走來走去,甚至跟你一起吃飯。」而家樂亦同意,他甚至表示是隻「鬼」怕了他:「有場戲講我瞓緊覺時,隻女鬼喺我下身捐出嚟,做嗰隻鬼嘅女仔年紀好細,佢差唔多去到我塊面時,佢好尷尬自己忍唔住笑,結果NG咗好多次,呢個反而好笑囉。」

考真反應

  相比下,岑日珈就較細膽,她表示:「因為全程喺荒廢咗嘅學校拍,有時夜晚見到啲『鬼』閃過都唔知真定假,因為我真係感覺到有㗎!」有一幕講她與其他女演員入洗手間沖涼,跟住她要逐格打開門睇吓有冇鬼,她坦言:「嗰刻最恐怖,因為導演冇講隻鬼喺邊格彈出嚟,想要我最真嘅反應,所以我好驚。」她還透露有場密室戲,房入面的人用酷刑,會見到內臟好殘忍,那場最恐怖。雖然紅姐惠英紅今次是客串,但戲份能穿越整部戲,三人均表示她氣場勁、演技好,過程中都學到嘢。

黃柏高

hd