營爆生活——「為食」遊香港

        有內地朋友來香港探訪,「周圍搵嘢食」屬必有行程。自問只有「唔鹹唔淡」普通話程度,索性用廣東話作介紹,以免笑料一籮籮,反正他們「聽得懂,會說少少」。

  大清早就開始帶他們搵食,他們喜歡雲吞麵、豬膶粥。中午食完點心「未落格」,又要去茶餐廳飲奶茶和食多士。見到筆者叫「飛砂走奶」咖啡及「齋多」時,他們說下次才仿效。見到茶餐廳餐牌上有其喜愛的飯焦「煲仔飯」,即時想落單,可惜侍應叔叔講笑叫我們「消夜」再來。由於不想「食滯」,每次只以「試味」形式,以及盡量多行路代替「搭車」,希望熱量攝取與支出差額不會相差太大。

  沿途在街上見到很多「雞蛋仔」、魚蛋等香港特式街頭小食,他們當然會每樣食物都「試一啖」。估唔到原來朋友們都屬「嘴尖」一族,試了幾間後,指明下次再來只食將雞蛋仔燒得外脆內軟的那一檔。到晚飯時間,當我正準備預訂一間西式餐廳的時候,他們說要去「打邊爐」,但我們最後去了吃「蒸海鮮」,為了那鮮甜粥底。友人還說笑要「食咗我隻車」。當晚的一餐飯我們邊食邊講笑,提到出外旅遊時經常遇到的趣事,特別係語言和溝通上。

  雖然很多香港人的普通話水平不錯,但他們說要學好「廣東話」,感覺自己可以於旅遊時感受到更多當地文化及融入。他轉頭一聲「唔該埋單」,我當然要盡地主之誼及「搶埋單」,但他們堅持,還說筆者一整天只吃了很少,要求筆者「清埋枱上食物,食得唔好嘥,當食生菜。」

陳紫敏


hd