任意行——初嚐龍肉滋味

  上周末有幸應沙田龍華酒店之約,聚舊兼歎美食,真是近叻人得食。原來,龍華店東三顧香港野生魚王Gary Wong位於新界的隱世魚塘,感動到Gary為龍華酒店供應珍罕的花錦大鱔。不過,想食要預定。

  那晚沙田人聲沸沸,訴求之聲不絕,但有絕世美食當前,唯千萬刃,吾往矣!一口甘飴無比的火腩炆花錦鱔腩,再來一啖藥膳花錦鱔頭湯,真是不知人間何世,嗟歎世間果然有如此美味之食物,入沙田上小丘,終於得嚐龍肉之滋味!

  飲食名家唯靈早就指出,食蛇不如食花錦鱔。相信食過花錦鱔,定必同意。吃蛇者,以補身為目的,談不上美味,倒是花錦鱔者,吃過一生不會忘記肥美甘飴之高味。可惜鹿因角亡,而花錦鱔則因其美味而遭人濫捕,瀕臨絕種,華南一帶,花錦鱔難得一見。有幸Gary洞識先機,從東南亞、紐西蘭引入魚苗,並以天然清水飼養,運動量足、食物均衡,無野生魚帶寄生蟲之懼,食得放心,也給人間留下好口福。

張諾


hd