食乜好——划算港島Lunch

  米珠蓮向來Lunch Hour都不太喜歡在港島出沒,一來難搵位,二來貴。但今日在中環返工的朋友E盛意拳拳約食午飯,一於將就一下,出港島食飯去!

  接近糧尾,還要花幾百元食午餐?好在最近見到美國銀行中心新開一家日式「快餐店」,標榜百餘元可吃到高質日本料理,果斷衝去一試。當日中午十二點左右到達,稍等片刻就有位,快速望過餐牌後到櫃枱買飯,形式似足「快餐店」,出餐速度算快,上枱仍然熱辣辣,加分。因米珠蓮當日有點作病,所以點了鱲魚粥鍋配刺身($102),粥底算綿,亦夠鹹香,加多個刺身,食完好像有點病瘉感覺(講笑)。朋友E就點了特上雲霧雜錦壽司,聽個名已經夠霸氣,一上枱更加誇張!加了乾冰的壽司拼盤煙霧瀰漫,仙氣十足,很適合大家影相呃Like!壽司幾新鮮,有海膽、三文魚腩、牡丹蝦、劍魚、油甘魚、赤身等,非常豐富,$178就有一Set,這個價錢有如此質素及份量,對得住大家有餘啦。

查詢:2890 9970

米珠蓮

hd