食乜好——尖沙咀 隱秘酒廊

  年紀開始大,就會對一切事物有要求。好像去飲酒,米珠蓮以前只求有酒落肚,但現在會想要酒吧環境好、不太嘈、酒有特色和食物好味,聽到都覺得自己煩。但又好好彩,給米珠蓮發現一間新酒吧(負責人定義為酒廊)Time Park,由幾個後生仔打骰,難得地符合米珠蓮對酒吧的種種要求。

  首先講裝潢,Time Park大致可分三部份,由入口至落樓梯再行到室內位置,有種莫名的時光倒流感,接着看到兩幅引人入勝的手繪壁畫,一幅以英倫地鐵站為題,另一幅就畫滿大紅花,畫功細膩。再行入少少,更加有種電影場景的感覺,昏暗燈光加上一棵栩栩如生的樹,這個環境太好Chill了吧?至於食物亦令米珠蓮喜出望外,有誰會估到在酒吧可以吃到乳豬、低溫慢煮半生牛叉燒及低溫慢煮原隻鮑魚?而且算高質素,好像乳豬燒得鬆化軟腍,配合煙煙韌韌的薄餅,實在一絕。擺盤亦夠Gimmick,參考「食鬼」造型,夠玩味。

  這裏的雞尾酒都滿有心思,好像Green Ball便用綠茶、啤酒、八年蔗糖酒調成,有茶香又有花果香,容易入口,酒量平平的女士都適合。

查詢:3590 8273

米珠蓮


hd