食乜好——送絲巾的下午茶

  平時食開嘅High Tea一般都會送化妝品,食埋食埋,啲化妝品都夠用一段長時間。近日朋友K就話畀米珠蓮知,喜來登酒店嘅Sky Lounge,就同法式設計珠寶品牌DIDIER DUBOT聯手推出下午茶,食完就送價值$890嘅絲巾及以鍍14K玫瑰金拼珍珠的D字型絲巾扣,驚喜呀喂!

    講到呢度,就知沒有不幫襯嘅理由,趁星期六下晝無所事事,米珠蓮就帶埋報料嘅朋友K去歎一歎啦。

  當日米珠蓮和朋友K是第一枱客,所以有幸坐到向海嘅窗口位。雖然曬咗少少,但的確好好View,係值得架!等咗十數分鐘,下午茶就到啦。首先試試個Scone,平一般的骰,但入口夠暖夠鬆軟,加埋Clotted Cream,認真無得輸。紅菜頭三文魚撻配酸奶是必食,一直以來紅菜頭醃漬三文魚都是哩度招牌,魚肉爽彈,加埋紅菜頭醃漬,味道更突出。香草醃帶子配合桃係米珠蓮最愛,帶子厚肉飽滿,配埋特調醬汁,如果有多一粒就好!放喺帶子隔離嘅炸球,其實係炸香草羊肉球配酸奶,朋友K鍾情於羊,輕易就食完,仲大讚羊肉入味嫩滑。可惜米珠蓮對羊太抗拒,所以試咗一啖就放棄咗啦。

查詢:2369 1111

米珠蓮


hd