食乜好——本地海鮮自助餐

  自助餐可說是大人細路都鍾意,皆因菜式包羅萬有,一個價錢就可以食盡海鮮冷盤、熱葷和甜品,想起都開心。為留住客人的心,各餐廳都不時轉換自助餐主題,最近富豪香港酒店內的御花園咖啡室便推出本地海鮮自助餐,用每日新鮮漁獲入饌,又幾吸引。

  米珠蓮和朋友C選擇平日晏晝來幫襯,依然接近爆場,看來很好生意。用本地魚鮮做主題,加加埋埋有差不多十款菜色都關本地魚事,絕無欺場。艇仔粉是從前食客上船出海美食,有齊燒味和海鮮,還原往時的味道。煮蜆用上魚湯,蜆細細隻但啖啖肉,鮮甜好味。還有即叫即煎的白飯魚煎蛋,煎蛋夠厚身,加上白飯魚增味,同樣是童年回憶!

  吃過新鮮海鮮,還有好戲在後頭,就是放滿一櫃的甜品,不單只有Dreyer's雪糕批、M:ovenpick雪糕杯,還有即製窩夫、芝士蛋糕、朱古力噴泉等,只吃甜品都值回票價。

查詢:2837 1772

米珠蓮

hd