食乜好——浪漫櫻花餐

   三、四月是賞櫻季節,不少香港人都乘機放假去日本睇櫻花,當然也有打工仔像米珠蓮一樣,無假放得個恨字。毋須灰心,米珠蓮介紹大家去本地酒店享受粉色系的櫻花餐,吃過心情一樣大好。

 原名日航酒店,現已改名為千禧新世界酒店內裏,有一家頗有名氣的日本菜「嵯峨野」,食物質素當然非一般貨色。當日米珠蓮帶同朋友M來幫襯,齊齊Order一份櫻花餐,份量、款式都比想像中多,而盛載食物的小碗小碟,有花朵造型,又以粉色為主,看得米珠蓮「心心眼」。

  這套餐的雜錦季節拼盤,包括了浸煮春菜、西京醬燒銀鱈魚、燒牛肉、松葉蟹肉伴蟹麵豉醬、醃製北寄貝及海藻、醬油漬魷魚及檸檬汁煮番薯等十款前菜,款款新鮮鮮甜,又有油脂豐腴的吞拿魚、油甘魚及甜蝦刺身,以及脆卜卜的雜錦天婦羅。最得米珠蓮心的甜品,就是櫻花布甸及櫻花雪糕,皆因賣相無得輸,只是味道略嫌甜了一點。

  埋單之際,侍應不止送贈K11美容禮券給米珠蓮和朋友M,還不忘建議我們入會,原來成為「嘗薈」會員,可享七五折品嚐這個浪漫的櫻花餐(可於酒店網頁免費申請)。

查詢:2313 4222

米珠蓮

hd