食乜好——元祖台飲店

  台飲店十年前曾Hit過一陣子,想不到熱潮退卻過後,近年又再次流行,幾乎每月都有兩三個新牌子開店,非常誇張。米珠蓮不可能試盡所有台飲店,但對於被稱為第一家賣珍珠奶茶、而且大家飲過都讚好的春水堂,總是心郁郁想看有幾巴閉,心動不如馬上行動!

  特意選擇閒日去觀塘試,依然大排長龍,好在米珠蓮來得早,午飯時間前便開始排隊,等了十多分鐘便可入座。先點一杯珍珠奶茶,再加個珍珠鐵觀音雪糕吐司,一於甜品當正餐。

  珍珠奶茶果然比平常飲到的出色,珍珠細細粒,超級煙韌,軟硬度恰到好處,嚼勁十足。奶茶的茶香也很突出,不會太重奶味,茶亦不會過於苦澀,同樣恰到好處。雪糕吐司也有驚喜,尤其那鐵觀音雪糕球,鐵觀音的茶味甜苦有致,將吐司蘸落雪糕食,一冷一熱,相當過癮。

查詢:3619 4335

米珠蓮

hd