食乜好——韓國烤雞新口味

    曾幾何時,韓國炸雞、啤酒這組合,在香港Hit得交關,女士們幾乎每星期總有一、兩晚去韓國餐廳,飲住啤酒食炸雞,幻想自己就是韓劇女主角。米珠蓮本來不特別鍾情炸雞,覺得油膩又熱氣,但自從幾年前初嚐韓國烤雞店Goobne Chicken,開始對這種食物有所改觀。

  Goobne Chicken做雞的方法是用烤代替炸,感覺較健康,沒那麼油膩。一直以來米珠蓮只食蜜糖咖喱味,貪那既甜又辣夠惹味過癮,最近得知推出了新口味蜜糖烤雞,當然二話不說去試試!

  當晚大約七點到埗,不算太多人等位,等了十分鐘已可入座。因為Goobne Chicken的食物出名份量大,米珠蓮和友人A兩個人,只點蜜糖烤雞和魚糕湯已夠飽肚。本來以為蜜糖烤雞只得蜜糖味,誰知食落發現還有淡淡的芥末味道,非常夾!如果嫌不夠味,可蘸些附送的蜜糖芥末醬。至於魚糕湯,向來是米珠蓮來這裏必然選擇,魚糕湯熱辣辣,加上少許胡椒調味一流,且魚糕款式多,份量大,兩人都未必能K.O.這個烤雞與魚糕湯組合!

查詢:2116 0002

   (旺角分店)

米珠蓮




hd