食乜好——宮廷下午茶

  一段時間沒推介下午茶,米珠蓮又心思思想介紹好嘢畀大家,近日在尖沙咀山林道附近,新開一間名為Victorian Rose Tea Room的靚靚茶室,不止裝修有英國宮廷Feel,連食物都精緻美味,所以順理成章成為米珠蓮近期心水之選。

  (車立)門一開,已經有如踏進了英國宮廷一樣,當日米珠蓮特意選了一套裙去襯這個環境。店主為令客人盡興,更提供不少高貴頭飾給借用,方便大家多影幾張靚相,好窩心!

  影完靚相,Order了的下午茶亦來到,每件糕餅都精緻的骰,賣相極吸引。講到下午茶,米珠蓮最愛食Scone,這裏的Scone濕潤帶香,一點都不乾身,質素媲美五星酒店,加上Clotted Cream和果醬,更加完美。細問之下,知道這裏的糕餅都是即叫即焗,所以好味是有原因。

  另一款令米珠蓮印象深刻的,就是戚風蛋糕。戚風蛋糕弄得不好會變得結實,這裏吃到的就非常鬆軟!文字上難以表達有幾鬆軟,親身試試用匙輕力按下去,自然會明白。

查詢:2789 1999

米珠蓮

hd