食乜好——名廚手工車仔麵

  最近為食好友報料,說筲箕灣開了一家名廚主理的「九哥車仔麵.麻辣燙」,不但用料靚、手藝好,而且價錢親民,米珠蓮聽罷即搭叮叮落筲箕灣東大街開餐!此車仔麵店師傅果真大有來頭,鍾志強師傅曾於高級粵菜廳如利苑、國金軒、唐宮等當主廚,夥拍富臨飯店出身、人稱「九哥」的鄧國聰師傅一起開店。大師操刀當然與別不同,鄧師傅每朝到筲箕灣街市買料,然後回店準備三十多款餸料,包括多款手工餸如手打魚腐、墨汁魚肉卷、沙薑手撕雞,更有日本皇冠吉品鮑魚,就算現貨如潮汕爽牛丸及風琴狀九哥豆卜,都是自行研發配方,交給內地潮汕廠商代製。

  想一試大師級車仔麵滋味,選招牌大雜麵就可以試齊當日最好十二款餸料,還可嚐到鄧師傅用心熬製雲腿上湯。茹素都有好選擇,唐三藏湯麵有腐皮波波、蘿蔔等配料,配香甜番茄南瓜湯底。這裏可以吃到鍾師傅私房菜名物「九哥招牌乳鴿」,滷水味香醇,肉嫩多汁,記得致電預訂。一碗十二款餸料大師級手工車仔麵,只賣三十九元,性價比高!

地址:筲箕灣東大街4至10號東寶大廈3A舖

查詢:2555 8819

米珠蓮

hd