食乜好——春日清新西班牙菜

  食嘢從來講時令,既然踏入春夏季節,多吃幾餐富有季節特色的Dinner少不免。最近米珠蓮上網搵料發現,西班牙餐廳Espuma推出了一系列顏色繽紛的春日菜式,睇見已心花怒放,正合仍有幾分少女心的米珠蓮。

  星期五晚上和朋友A來到,接近八點果然全場滿座,幸好預先訂了位!春日菜式有接近三十款選擇,份量頗多,我們一共點了三道前菜、兩款主菜和兩款甜品,結果又是眼闊肚窄,最後要打包收場,真慚愧。

  先講講前菜慢煮花椒口水牛面頰,於西瓜搽上花椒醬,再鋪上和牛面頰,食落很夾!而且西瓜的清新有助中和花椒醬與和牛的濃郁,這道菜米珠蓮特別喜愛。至於蝦之丸和西班牙果酒醉蜆,味道幾新奇有趣,不過不失啦。主菜也有驚喜,尤其是蝦醬櫻花蝦意粉,意粉煮得彈牙,蝦醬味突出但不會過濃,加上櫻花蝦提升口感,讓米珠蓮和朋友A都吃得滿足。

查詢:2739 2080

(尖沙咀店)

米珠蓮

hd