食乜好——法國五月餐

  法國五月美食薈(Le French Gourmay)是每年5月份飲食界重頭戲,事關這時候會選出一個法國地區作推廣,物色香港餐廳合作推出五月限定餐單,機會難得。今年的主角是盧瓦爾河谷(Loire Valley),帶來一系列當地美酒和美食,米珠蓮當然不會錯過機會試菜,左揀右揀,最後情定去年才開業的Junon仙后餐廳!

  Junon仙后餐廳相信不少讀者都聽過其大名,皆因是歌手張敬軒開設,加上極靚裝修,據知最少要早一兩個星期訂位才有機會成為座上客。當晚米珠蓮盛裝打扮去幫襯,一進內真心靚到「嘩」一聲!裝潢完全展現出法國宮廷的高雅及古典氣氛,以為自己真的去了法國。

  法國五月餐單分兩個價錢,分別是$1,688五道菜及$1,888六道菜,雖然米珠蓮胃口不大,但知道今次餐單是由來頭極猛的Bruno Ménard設計,忍不住點了六道菜,實行一次過嚐盡。米珠蓮大愛盧瓦爾河三文魚,三文魚慢煮過,入口即融,肉質相當細嫩。另一道法式燴海鮮配,蝦和帶子同樣鮮甜彈牙,加上甜身又Creamy的法式燴汁,Perfect!

查詢:2808 0882

米珠蓮


hd