食乜好——星街優質法國菜

  星街有家開業十年的「法國小店」Maison ES,位置不算就腳,卻一直不乏捧場客,米珠蓮好奇想知原因,所以月前相約朋友去試菜,果然喜出望外。最近得知他們又有新菜式,決定與另一位朋友A再出動,看看水準是否依舊。

  這裏門面靚到不行,路人經過都會被其吸引忍不住「打卡」。我們當晚七點準時到達,餐廳未算很多人,侍應的好服務令米珠蓮印象深刻,個個笑容滿面之餘,對於自家菜式亦非常熟悉,可以準確說出每道菜的特色,值得一讚。米珠蓮和朋友A兩個人,就點了三道前菜和兩款主菜,再加兩款甜品及酒,真的吃到飽。

  前菜Pacific Bigeye Tuna寧舍出色,皆因在吞拿魚加上泡菜雪糕,兩者出奇地非常夾!美中不足是吞拿魚略嫌芝麻味重了一點,蓋過了魚的鮮味。而北海道帶子加了少許Wasabi提味,份量控制剛好,不會過辣,保留了帶子和鮑魚的鮮。主菜方面,米珠蓮特別喜愛鴨胸,煮得夠軟腍,除了皮有點韌,其他無得彈,配上侍酒師推介的紅酒,大大加分,就連向來嘴刁的朋友A都說對得起價錢!如此豐盛的一餐,連加一埋單二千五百元,絕對值。查詢:2521 8011

米珠蓮

hd