食乜好——抵食Sunday Brunch

  星期六日除了在家攤唞,出街食個豐富Brunch都是一件樂事。酒店Brunch質素高,但價錢亦貴,閒閒地四、五百元一位,有點肉赤。精打細算的米珠蓮四出格價,最後找到問月酒店Supergiant Tapas & Cocktail Bar新推出的Brunch,每位只$268起,抵!

  當日星期日中午十二點左右來到,尚未滿座,還算坐得舒服。看看Brunch Menu,前菜有齊四款西班牙小吃,如水牛芝士番茄沙律、三文魚迷你拖鞋麵包等,貪心的米珠蓮和朋友A決定加$150額外點意大利魚子醬,雖是前菜,都食到有點飽。特別要一讚魚子醬,配有酸忌廉、香葱、蛋白碎和Blinis餅仔同食,層次更加豐富滋味。

  至於主菜,有六款供選擇,米珠蓮點了慢煮乳豬,朋友A就揀了烤澳洲肉眼扒。乳豬食法似足「北京填鴨」,用蒸包夾着乳豬,加上乳豬醬、葱等配料同吃,乳豬大大件,煮得軟腍無羶,Good!至於牛扒就略嫌失色,牛扒本身較韌,而且醬汁太多,蓋過了牛扒本身應有的肉味,如醬汁份量減半應該會好得多。最後來多兩款甜品,分別是雪葩和Churros,米珠蓮與朋友A同樣鍾情西班牙「油炸鬼」Churros,脆卜卜又甜絲絲,令人回味。

查詢:2643 8875

米珠蓮

hd