食乜好——蒜頭料理

  數年前主打蒜頭料理的韓國餐廳Mad for Garlic攻港,分店開完一間接一間,米珠蓮也一早試食過,質素的確唔錯。最近見他們又有新餐單,便相約朋友S一齊去銅鑼灣店試菜。

  當日我們點了一個Garlic Snowing Pizza和蛋白焗香辣意大利飯。先講薄餅,餅皮薄身脆口,表面鋪滿蒜片、蒜頭、蝦仁、芝士、菠蘿,蒜味香濃得來帶點甜,不會過辣,蒜頭處理得宜,原粒吃都無問題。至於意大利飯,面層的「泡沫」其實是蛋白,入口軟綿,底下的飯是用傳統Risotto做法,飽滿綿密,而且有些少辣勁,夠惹味!

  食到一半,就想叫多一客甜品開心Share,眼見有款DIY Tiramisu幾過癮,原來是「拆件」上枱,將Tiramisu包含的元素,如咖啡、咖啡酒、手指餅等等分開上,吃的時候可隨意用手指餅蘸一些Mascarpone芝士又或咖啡酒,創作一個屬於自己口味的蛋糕,好食又好玩!

查詢:3752 2880(銅鑼灣店)

米珠蓮

hd