食乜好——夜晚食Brunch

  每逢星期六、日,米珠蓮最喜歡找地方同朋友食Brunch,因為可以坐耐一點,又多食物選擇,絕對是周末「吹水」好活動。不過食Brunch同時意味放假都要早起身,所以又會有些朋友卻步。為滿足這班麻煩友,米珠蓮左搵右搵,終於發現真的有適合賴牀一族的Brunch,說的是日本餐廳ZUMA最近推出的周五夜食(Yashoku Friday),亦即是將Brunch概念帶到夜晚,有趣有趣!

  當晚米珠蓮和朋友S便試了這個周五夜食,顧名思義逢星期五供應,餐廳氣氛好得很,放工來這裏Happy Friday非常適合。周五夜食餐單頗長,有前菜、串燒、主菜、甜品,畀多一百餘元更可以任飲香檳。食完一Round未夠喉的話,可以繼續追加,似足高級版放題。菜式算多元化,有火炙三文魚配紫蘇醬、辣豆腐配香草牛油果、麥麵豉醬燒雞腿肉和虎蝦及野菜天婦羅等,又有日式甜點配榛子朱古力拼盤,米珠蓮吃完一Round已經飽飽。

查詢:3657 6388

米珠蓮

hd