食乜好——星期二巴西肉食之夜

有段時間中東菜、巴西菜等充滿異國風情的菜系特別受大家歡迎,米珠蓮也忍不住四圍去試這些特色料理。最近便給我找到中環一間主打巴西菜的餐廳Uma Nota,地方細細但好有Feel,價錢合理且不收加一,放工和朋友來Chill一下,唔錯唔錯。

  當日米珠蓮和朋友S及朋友K分別點了Ceviche Nikkei、Polvo Teriyaki、Tuna Skewers以及Roasted Seabass。正當三心兩意想再加個主菜,餐廳老闆卻提議試試只有星期二才供應的Meat Platter,這樣就可以試勻各款肉類。

  Ceviche是米珠蓮向來最愛菜式之一,魚生、八爪魚等等混上特製醬汁,超級Refreshing。Polvo Teriyaki即烤甜薯和八爪魚,醬汁甜甜又有焦糖香,八爪魚燒得出奇地軟腍,味道好有驚喜!特別一提Meat Platter,記住逢星期二才有得食,一份Platter有齊豬、牛、雞、蔬菜,豐富又惹味,尤其是牛肉燒得肉嫩軟腍,還有三、四款不同醬汁,每塊都可嘗到不同味道。

查詢:2889 7576

米珠蓮


hd