呢個世界真係好奇怪，殺人無數嘅邪惡希特拉都有fans，呢位fans係反猶太主義嘅英國歷史學家David Irving(Timothy Spall飾)，佢出過好多本否認納粹大屠殺及美化希特拉暴行嘅書，因為唔鍾意猶太裔美國籍歷史教授 Deborah Esther Lipstadt(Rachel Weisz飾)在她著作內形容他為「大屠殺否定者」而告上法庭，事件發生喺1996年，距今只有21年，電影就係根據呢單真人真事改編。
Lipstadt在著作中毫不客氣直指Irving揑造歷史，是否認大屠殺的大話精。電影以Irving在Lipstadt新書發佈會上挑機展開序幕，Lipstadt不願跟歪曲歷史的Irving爭辯，之後女方反遭Irving入稟英國法院控以誹謗，成件事根本係黐線。
唔係所有事都可以和解
Lipstadt嗰班好聰明嘅律師團隊唔浪費時間，一開始已有備而戰，就係重點攻擊原告嘅破綻，指出對方根本就係為咗自己利益而歪曲一啲明知嘅事實。官司長達數年，最後Lipstadt勝訴，這是歷史不算劇透。最深印象係Lipstadt跟同是猶太籍嘅朋友傾談律師費捐款，一班肚滿腸肥嘅猶太人你眼望我眼，仲暗示和解一團和氣咪仲好，最後Lipstadt堅持為六百萬冤魂申訴，為真理及公義而戰。
電影內嘅法庭控辯戲份唔算太多，但每場都好精采，而重點是法庭外，Lipstadt跟其律師團隊在搜證及立場爭拗的過程，你會忟Lipstadt嘅唔聽人講，又會覺得律師不近人情，全片零廢話，對白句句都有意思，電影極具可觀性。「言論自由意味住你可以講你想講嘅話，但係你唔可以講大話，然後對此不負責任。」看畢電影多日，仍記得呢句說話。
(剛上映)撰文:廖思慧
;){kind=link}
;){kind=link}
;){kind=link}
;){kind=link}
;){kind=link}
;){kind=link}