頭條戲場——《銀翼殺手2049》這是一套科幻文藝大悲劇

        電影故事背景設定在82年的前作《2020》的30年後,地球環境愈來愈惡劣,一位新的銀翼殺手K(Ryan Gosling飾)在執行任務中發現一個天大秘密,佢決定去尋找掌握重要線索嘅關鍵人物,第一代銀翼殺手Rick Deckard(Harrison Ford飾)。片長163分鐘,每格畫面都靚到想大叫,配樂蕩氣迴腸,但節奏真係好慢好慢。

        電影由《天煞異降》金像提名導演Denis Villeneuve執導,導演表示自己亦是《2020》的超級Fans:「我依然好清楚記得第一次睇《2020》時完全被震懾嘅感覺,開場一幕我認為係電影史上最強勁嘅畫面之一,飛越2019年嘅洛杉磯上空,俯瞰一座座嘅煉油工廠。Ridley Scott展示嘅未來世界畫面,引人入勝又令人恐懼不安。」

地獄般的地球

  Denis指《銀翼殺手2049》的世界是《2020》的延續,而非現實的延續。所以在《2020》中,大自然已崩陷,所以往後30年,地球環境會變得更惡劣。故在戲中,觀眾會睇到海洋失控,天氣變得更寒冷,從建築物、汽車到衣著上,都可以睇得出氣候狀況愈來愈差。

  複製人即係未來世界嘅奴隸。因為擁有人工智能,複製人識得為自由抗爭,所以人類再研發比較溫馴又服從性強嘅新型複製人。電影中有用DNA複製出嚟嘅實體真人如K,亦有數位模擬投影出嚟嘅虛擬人如Joi(Ana de Armas飾),K的任務是追殺舊款複製人,佢生活好痛苦,佢空虛佢寂寞佢凍,Joi係佢嘅精神支柱。全片最愛此段虛擬之戀,好浪漫好可歌可泣。

  跟上集一樣,電影仍然在探究生命價值及意義。全片未見一個笑容,做人同做複製人一樣身不由己,好可憐。

(上映中)撰文:廖思慧

hd