頭條戲場——《與神同行:終極審判》教你如何消除千年宿怨

        年初上映的韓片《與神同行》在港大收5,374萬元,打入香港電影史上最賣座韓片第二位,朋友間個個喊住畀正評,唔睇完全無話題。同期拍攝的下集《與神同行:終極審判》剛上映,睇過上集當然要睇埋有馬東石主演的下集。今集笑位好多、喊位可以話無,全片教你如何消除千年宿怨,同埋再次提醒你唔好做壞事,講大話都唔好,明明無嘅嘢就唔好隨便話有,例如責任心。(上映中)

故事完全無縫緊接,三位地獄使者分別是首席地獄使者江林 (河正宇飾)、日值使者解怨脈 (朱智勛飾)及月值地獄使者德春 (金香起飾)引渡千年最後一個貴人金秀鴻(金東旭飾)展開49天審判,原本諗住四人一齊投胎轉世皆大歡喜,但世事當然無咁完美,枉死秀鴻唔願投胎情願做惡靈,而鎮守家宅的成造神(馬東石飾)為救爺爺亡魂而觸怒閻羅王(李政宰飾)。

原諒很難

  地獄使者為重整人間秩序,一邊帶領秀鴻作地獄審判,一邊在人間與成造神鬥過你死我活,陰陽兩間搞到亂晒籠,唔覺意令日月值使者恢復前世記憶,從而發現兩人同江林有千世宿怨。

  上集主力講地獄審判及罪與罰,今集同樣圍繞贖罪和原諒及揭開三使者的神秘過去。

  觀後感:都係嗰句,唔好做壞事,落地獄會有恐龍咬你。

撰文:廖思慧

hd