頭條戲場——《耶穌真係落咗嚟》好人一生平安

        數月前,香港國際電影節曾放映《耶穌真係落咗嚟》,但當時戲名叫《小小小耶穌》,改名原因當然因為網絡金句「叫你個耶穌落嚟見我!」抽水達教科書級數,fb被瘋狂洗版,但大家放心,套戲完全唔暴力,亦無粗口爛舌,只係從小學生由來嘅視角講故事,童眼看世界與人生,正確的事要多做,壞的事不要做,好人一生平安。

只有23歲的天才導演奧山大史憑首部執導的長片《耶穌真係落咗嚟》,奪得去年西班牙聖塞巴斯蒂安電影節的最佳新導演獎,成為該影展史上最年輕的得獎導演,之後繼續橫掃多個獎項,包括在瑞典斯德哥爾摩電影節贏得最佳攝影獎,在都柏林電影節同樣獲得最佳攝影獎,電影成本超低,奧山大史一手包辦導演、編劇、攝影、剪接四職,前途無可限量。

神蹟定幻想

  小學生由來(佐藤結良飾)由市區搬回鄉下生活,插班入基督教學校讀書,一直無宗教信仰嘅由來每日要去早會,覺得周身唔聚財又徬徨,然後救星到,迷你耶穌突然顯靈,陪由來返學去玩同沖涼,一大一細互相扶持,Mini耶穌唔只識打相撲仲可以實現願望,對由來有求必應。因為由來好朋友意外離世,佢對耶穌慢慢失去信任。

  電影以小朋友視角探討宗教信仰及生死,全片淡淡然,點解明知係唔好嘅事,耶穌都會畀佢發生?唔係要導你信教,係要你思考,幾有趣的一部戲。

(剛上映)

撰文:廖思慧


hd