所屬專欄:
娛樂專欄
專欄名稱:
頭條 fashion show
作者:
杜淑霞

着露腰衫最緊要條腰夠瘦、夠長和「零」肚腩,「時裝判官」張學潤(Nelson)說:「O依家流行着高腰褲或裙,上衫唔好太短,露少少腰係最時尚,感覺格調高啲,又畀到人健康嘅感覺;因為露得太多好似做運動咁會sporty咗,唔想太性感可以着cut-out款,感覺會穩陣啲,亦可選擇加件外套。」撰文:李佩儀

詳細

波點圖案比較懷舊,易顯得「娘」,要着得輕巧帶潮味,「星級形象指導」郭慶彬(Ricky)表示:「最好揀深色底,波點要細,焦點冇咁大會映得瘦啲、輕巧啲;相反大波點太懷舊易着得娘、映得肥,睇到人眼花繚亂。圓潤嘅人可選擇上身着波點,下身襯深色裙或貼身褲。至於配襯手袋同鞋就視乎衫款而定,而飾物則以簡潔為主。」撰文:李佩儀

詳細

着短褲有相當大的學問,褲管長度及闊度絕對會影響腿形的美感。「時裝判官」張學潤(Nelson)表示:「肥瘦着都唔係問題,最緊要留意短褲嘅長度同闊窄,亞洲女性唔太高可以揀褲管短啲、貼啲,拉長番對腳,亦會顯得青春啲;不過O依家流行高腰、長啲同闊少少嘅款式,所以最好揀番啱自己身形。值得一提,穿顯露腳背更多嘅鞋,會映得對腳修長啲。」撰文:李佩儀

詳細

着透視裝要着出仙氣避免俗氣,「星級形象指導」郭慶彬(Ricky)表示:「着透視想高貴啲除咗要襯件靚嘅打底衫,髮型同化妝都要配合得好,飾物不宜太多。想着得瘦啲,要留意圓潤部位避免着透視,同埋揀黑色穩陣啲;想型啲,可考慮襯波鞋或平底鞋。」撰文:李佩儀

詳細

喱士予人隆重和高貴感覺,「時裝判官」張學潤(Nelson)表示:「要小心選擇款式,除咗啱自己身形,最好揀細緻啲、薄啲嘅喱士,因厚身嘅易顯得圓潤。由於喱士多圖案,所以鞋袋同飾物都要以簡單為主。」撰文:李佩儀

詳細

連身褲(Jumpsuit)一年四季都流行,「星級形象指導」郭慶彬(Ricky)表示:「要揀啱自己身形比例,留意褲管同長度,闊腳較難carry要小心穿着。最好揀啲大領款式,或者見多啲手,因為全身包實唔好睇。建議着高踭鞋好過着平底鞋或波鞋,因為會顯得矮咗。飾物方面,可以戴耳環或手鈪,避免戴頸鏈,着Jumpsuit盡量以簡潔乾淨為主。」撰文:李...

詳細

夏天着黃色夠清新,「時裝判官」張學潤(Nelson)表示:「除紅色外,黃色都屬於中國人嘅喜慶顏色,膚色白淨嘅着粉黃同檸檬黃,感覺會柔和啲;膚色較黑嘅可以着鮮黃;由於芒果黃好近亞洲人膚色,較難carry,穿時要配合個妝。配飾盡量襯金屬色,鞋袋襯黑白色較穩陣,玩撞色如綠、藍同紫都可以,而黃撞紅要好小心,最好配合兩個顏色嘅深淺、濃度就ok!」撰...

詳細

白色夠sharp,好適合夏天穿着。「星級形象指導」郭慶彬(Ricky)表示:「白色畀人清新感覺,但全身白色易顯得肥,㘣潤嘅人要避重就輕,上身着白色,下身襯其他顏色嘅裙或褲,切忌着白色褲,而連身裙一般較易carry。着白色襯淡妝最自然,由於全白較單調,配飾同鞋袋可以玩撞色如撞紅、粉藍或粉黃等,感覺會更加夏日。」撰文:李佩儀

詳細

夏天跟花花圖案是最佳配搭,「時裝判官」張學潤(Nelson)表示:「花花充滿夏日氣息,要留意圖案、顏色同設計都要配合得好。碎花、細花易着得瘦,大花易着得圓潤要小心選擇;夏天着淺色較亮麗,但想瘦就要揀深色。雖然連身裙易carry,但如果上身着花花、下身襯淨色,易着出時代感。戴飾物盡量以簡單為主,最好喺花花圖案抽番隻顏色出嚟配搭,手袋同鞋都係...

詳細

夏天穿着吊帶裙夠晒清爽,「星級形象指導」郭慶彬(Ricky)表示:「着吊帶裙要注意粗幼帶,粗帶易着得圓潤,幼帶較易carry同着得瘦,如果吊帶同裙嘅圖案一樣,望落會較統一似連身裙。因着吊帶主力騷鎖骨位同肩頸線條,最好唔好戴頸鏈,就算戴都以簡單為主,建議戴耳環好啲,而款式就視乎衫款同髮型;而頭髮放落嚟亦會自然啲同後生啲。」撰文:李佩儀

詳細

粉紅色青春又有少女味,夏天着亦非常適合。「時裝判官」張學潤(Nelson)表示:「大部分女仔都鍾意着粉紅色,因為易着得好睇。由於粉紅分好多唔同程度嘅深淺,所以要視乎自己膚色去選擇,深色皮膚襯sharp粉紅較好睇,皮膚白嘅女仔就着咩粉紅都得。鞋袋方面,最好撞番粉色系列如粉黃或粉藍,否則襯金屬色或nude色都穩陣。」撰文:李佩儀

詳細

熱門:葉Sir食經 Executive日記 巴士的點評

hd