筆泰沖動——榴槤廠開眼界

  如果問大家泰國最出名的水果是甚麼?估計有一半人以上會答是榴槤!但榴槤本身都分好多種,你又知幾多呢?甚麼季節食榴槤最好?榴槤又可以製成甚麼副產品?等我胡慧沖和大家分享一下啦!

  榴槤在東南亞國家很常見,有果王之稱。日前我去了幾個在泰國羅勇附近的水果園和榴槤加工廠,想不到仍然令居泰多年的我開了眼界!在泰國產量最多的品種是「金枕頭」,相信香港朋友都不會陌生,果肉較為乾身。另外如「貓山王」在馬拉地區亦相當普遍,其香味與「金枕頭」不相伯仲,但就比較濕潤,甜度亦高。另外又有「長柄」、「托馬尼」、「Sadiga」等,後者更是新品種,市面未見很多地方有賣。

  老人家說不時不食,但是現今種植和冷凍技術發展迅速,以往大約夏季才會食到榴槤,如今在泰國其實一年四季都食得到。如果你還是接受不了榴槤的獨特氣味,可以試試榴槤製成的雪糕,有軟雪糕又有雪條,加了糖奶味道不會那麼重,大熱天時食都好正,香港應該不少地方有賣。最令我驚喜的是榴槤Pizza,還有海鮮芝士一齊焗,榴槤味幾乎消失,口感十分特別。另外又有榴槤糯米飯、榴槤乾、榴槤糖等等,泰國人的創意實在令人佩服!

胡慧沖

hd