筆泰沖動——24小時超市餐廳

  香港人去泰國曼谷旅遊,一般都愛到超級市場逛逛,尤其是Big C或者一些高級商場裏的附屬超市。但其實泰國還有個全年都廿四小時營業的超市品牌,大家又知不知?

  這間超市名叫「福聯」,英文名「Foodland」,在曼谷不少地區,特別是住宅區都有分店,當然遊客區如Silom、Nana、Thonglor都有!

  「福聯」所賣的產品會否平過其他超市?我不知道,但應該不至於貴,起碼真的是廿四小時營業,款式種類多過便利店!更重要是每間分店裏都設有名叫「Took Lae dee」的廿四小時營業餐廳。「Took Lae dee」是泰文,中文意思即美而廉,餐廳內有廚師現場炮製美食,而不是隨便「叮嘢食」,又有Chef Table、有舒服座椅,廚師們會將一碟碟新鮮熱辣煮好的食物送到客人枱面。食物種類也很多選擇,有泰式、西式、中式甚至早餐等等,而且不時會有Promotion。唔講唔知,原來這超市品牌的老闆是居泰港人,部份分店也有香港職員在打點。集團向來作風低調,沒有做甚麼大型宣傳,也難怪會被忽略,如果大家在曼谷想找廿四小時營業的超市或餐廳,又要坐得舒舒服服,這裏便是個很好的選擇。

胡慧沖

hd