車情車趣——拍片唔容易

  近年本地汽車網媒百花齊放,大家都一窩蜂拍片,先不說拍攝技巧、內容質素,最低限度大家都落力去幹,甚麼都去試,有競爭便有進步,好現象也!

  究意怎樣的試車影片才好看?我個人比較喜歡最精簡到Point的,最好兩、三分鐘內睇完,因為我實在沒有多餘時間拿着手機睇十幾廿分鐘影片,甚麼新車規格介紹、外形設計等等,其實由新車面世一刻已有無限網上資訊了,我最關心是主持個人感受、評價,一些鮮為人知的東西,特別是駕駛貼士和技巧,最重要是睇完片有得着,不是一味搞笑或硬銷。當然,這只是我個人喜好。

  我覺得一段好睇試車影片,最重要是真實速度感、駕駛動作過程,如果只是求其在馬路兜幾圈遊車河然後說車子怎好怎好,很難扣人心弦,也沒說服力。《駕駛艙》作為一家「小店」,試車拍攝工具只有一個運動攝錄機、一個數碼相機和一個咪,拍攝、導演、演員、剪接、配樂、字幕等基本上都是一人包辦。如果閣下要看史詩式試車長劇,歡迎惠顧其他「大店」!

彭志揚

hd