車情車趣——另類車有得做?

  上星期筆者在《CAZ Buyer》(805期)與其他幾位編輯在Editors Forum內,探討了「最希望重返香港的汽車品牌」這個題目。我個人主觀地希望愛快、蓮花可回歸本地市場,同事William和Donny則憧憬「大發仔」Daihatsu可重返香港,為入門小車市場重開新局面;另一位同事Jeffery眼光更加獨到,他認為Retro復古潮牌如日本Mitsuoka(光岡),是捲土重來的好機會,原因是本地年輕一輩玩車族,似乎不再追求名牌超跑,反而鍾情JDM日本版經典車款,近年更好像「玩到冇嘢好玩」云云。

  要知道時下年輕玩車族都愛被人點讚,買輛車Post上網愈多人Like當然愈開心,有時唔係貴價跑車一定多Like,重點反而是人冇我有。不過又係嗰句,拿一個汽車牌子回港做代理要突圍而出,是不可能任務,除非經營手法與別不同,例如網上直銷,省卻昂貴舖租成本,但維修人手短缺也是另一難題。始終,太過另類品牌或小眾車款,還是留給水貨小店去幹吧。

彭志揚

hd