車情車趣——開車搵食

  最近跟一位的士司機大佬聊天,發現如今揸車搵食竟然不算太辛苦,以租賃一輛豐田最新款Comfort Hybrid的士(圖)做生意為例,扣除高達兩萬五千元每月租車成本,據講每天開工約十二小時,每月收入都有兩、三萬元,非常不錯。受惠時下流行叫車App,不用再開車在街上亂兜浪費時間和燃料。據知時下通過App與街上截車的生意比例接近六比一,當然不同時段也要不同策略,例如放工時間前已要到商業區守候,又或懂得跑機場線的節奏等等,涉及許多經驗和學問。

  好多人覺得Uber相比的士更好做,但這位的士司機哥哥持相反意見,他覺得租一部的士更乾手淨腳,因為維修保養由車行負責;Uber則要自己養住一部車,最大問題是犯法,一旦被捕停牌便手停口停!同樣月薪兩、三萬元為何不去做私人司機?據講因為時間太長,而且周末、周日要因應老闆需要開工,比較困身,不及開的士自由云云。那麼做的士司機有甚麼不好?每天都是自己一個人開工,感覺非常「宅」,識唔到女朋友喎!

daniel.pang@singtaonewscorp.com

彭志揚

hd