車情車趣——極致模型車

  香港勞斯萊斯代理日前引入了一部1:8比例Cullinan四驅車模型(圖),大家估一下幾錢?盛惠$148,000,好貴?見仁見智啦,有人覺得相比1:1真車$6,900,000起售價,好像很便宜吧!

 代理說該模型為全人手製作,零件超過一千個,所有車門、頭尾門都可以開關,車廂手工精細,幾可亂真。客人甚至可以如真車一樣,選購Bespoke訂製版本,自選心水內外顏色配搭,售價$228,000!可能有人認為,十幾廿萬元可以買輛不錯的二手車了,甚至一輛1:1勞斯萊斯老爺車,行得走得!

  筆者也有收藏模型車,主要是1:43比例的保時捷911,小部份1:12或1:18,數量約二百輛。如何儲存大量模型車是一個煩惱,要買個專櫃或展示架放在客廳,但即使每月花費幾百一千元買模型,說到底都比養一部真車便宜,最低限度不用租車位、不需維修保養,養一部老爺保時捷993,每年花費十數萬元是常識吧。如果老婆鬧你點解成日花錢買模型車,說我這個例子給她聽吧!

彭志揚

hd