玲瓏美集——長期出暗瘡者心聲

  署名Yan讀者希望在這裏與大家分享她消除暗瘡方法。「親愛的Ling Ling姐:你好!冒昧來信。多謝你醫番好我的暗瘡。小妹二十八歲,由大學起已生暗瘡,曾睇過西醫,搽過抗生素A酸。都唔見效!簡直滿面暗瘡。機緣巧合,我試咗你的紅蔘綠豆粉面膜,真係work!其實用第一次已覺得好清爽舒服。大約keep住用咗一個月,無再出新暗瘡。過咗三個月,基本上唔再出。比起以前隔幾日又有新暗瘡,而家偶然出一粒都好快謝。多謝你。」

  Yan的皮膚問題是,暗瘡印未退,雖然晚上有用珍珠粉加椿花油做晚霜。「同時塊面成日都會紅紅哋,鼻兩邊毛孔粗大,怎麼辦?」我建議阿Yan早上用清水洗面即可,不要抹其他護膚品,晚上洗面用小許「美肌食鹽」來洗面兼按擦毛孔粗大的部份。這方法能去黑頭及收縮毛孔。一周即見效。

李韡玲

hd