超人能量——八達通冒失意外

  證明你是香港人,身上有兩張證明文件,一張係三粒星身份證,另一張就係八達通。你可能答係回鄉證,你錯啦,香港有些年輕人係不會申請回鄉卡。未到十八歲可以沒有身份證,但是小朋友不能沒有八達通,小學生沒有八達通,可能學校都返唔到,因為,要打八達通回校報到的。

  八達通那麼重要,就要注意八達通之使用事項。最重要的事項之一,就係「不要遺失」,一旦遺失,我也幫不到你了。為了減低損失,盡量不儲太多「餘額」在卡內。我的八達通,經常保持兩位數字,一旦遺失,絕不肉痛。所以,我就必須經常增值。增值要注意,我就發生一次冒失大事。我手上三張八達通,汽車一張,電話套內一張,家居後備一張。一次泊好車,不夠錢,就增值,到了7仔,就一次過拿出三張八達通增值,唔該一百!出車時候,那一張八達通竟然不夠錢。點解?明明剛才增值了。豈有此理,被人落格。匆忙之間,又無取單,我在閘口再增值,出了車,心感不甘,汽車行到一半都急轉彎。氣急敗壞的回到7仔,「你係咪無幫我增值。」他都好脾氣「機器係不會騙人的。」於是,逐張卡憑號碼追查,發現係其中一張增值了兩次。最後結論,擁有多一張卡的人,同時增值多張八達通,記得取單,好易重複增值,錯怪好人。

林超榮

hd