超人能量——歌神加開美食場

  兩大歌神搞攪演唱會,一個阿Sam,一個係Alan Tam,同台合唱,不是比併鬥唱,不過,幕後可有一番暗鬥,因為,如果你要撲飛,應該係找阿倫的歌迷會,還是阿Sam的歌迷會,容易撲到飛?

  撲飛呢家嘢,係臉子問題,說到撲飛,兩大天王歌迷會,出盡法寶,惠及歌迷,真係唔衰得。

  朋友找我撲飛,我都無計,監制蕭仔話,未開始宣傳,一早賣晒,爆完又爆,加開又加開,紅館都無場地,幸好,路係人行出來,場地就好似女人的胸部,再擠一點,必然有空間,沒有夜場,就加開兩點半日場,八月十九和二十日,加開兩點日場,兩大歌神,周六周日連踩四場,都可以話開埠以來破天荒,為歌迷鞠躬盡瘁。

  更破天荒,加開日場之餘,還加開美食場,在紅館廣場,駛來五部美食車,舉行美食嘉年華,從來沒有人做過,雖然,困難重重,終於,排除萬難,五部美食車駛到現場,計有大師兄、擦餐飽、池記、波蘿仔食堂同埋鴻福堂,係睇騷之時,可以大飽口福。

  紅館廣場,都算係旅遊景點,符合美食車要求,不要跟「一般食店」爭生意,在這前不着村,後不着店之地,歌迷日夜趕場,不用擔心肚餓。

  阿Sam同阿Alan仲自己出錢租場地及安排保安,讓大家重溫當年入戲院,食碗仔翅,雞蛋仔,咬熱蔗滋味,所以話,做得歌神,都要下凡,與眾同樂。

林超榮

hd