超人能量——麥記中式早餐

  老實說,我這個年紀,真的不太上麥記,除非荒山野嶺無得食消夜,即係拍緊戲時,只好Call麥麥送,況且,有人萬歲。

  如上廣州、深圳大歎地方美食,如川菜、京菜、湖南菜、上海菜、刀削麵,吃香喝辣,不敢話比香港館子好吃,平均甚有水準,因為食材夠地道,廚藝風味佳,價錢又比香港平,我特別喜歡。

  話又說回來,內地吃粵菜,就不及香港。那怕是廣州,吃「廣式」燒味,真係不及香港惹味出色。走進一般館子,港九新界茶餐廳搞一碗腸蛋餐肉即食麵,又比深港的煮得好味道。

  但是,這一個早晨,在深圳,早餐想吃地道的油條白粥,屋苑商場就未開門,只好幫襯M記,估不到,麥記竟然有早晨套餐,豬骨粥加油條,價錢都係六蚊人仔,真係好抵。

  不單止有油炸鬼,還有豆漿饅頭,我都叫來一試,真係好味過過乜鬼豬柳蛋漢堡,或者Pancake炒蛋薯餅,正係一方水土養一方人,本地人煲粥、 炸油器、搓饅頭,一上手自然勝過炸豬扒。

  不得不佩服,這就是做生意,這就是市場,M記賣美式套餐,為了招呼廣大的中國人民胃口,都要賣粥粉麵飯。他們深知肚明,不少阿爺阿婆帶孫兒吃麥記,順便照顧一下。

  不少人批評麥記,到處輸出快餐文化,破壞當地人的飲食文化,麥記進軍中國市場,不知中國市場能否攻破。

林超榮

hd