超人能量——柏友伴我長跑

   世上無難事,只要你肯試。

  我的退休同學們,個個退下職場,上了馬拉松癮。逢山跑山,見路跑路。搭飛機,四圍去跑馬拉松,日本跑,紐約跑,連北韓都去跑一餐。

  同學蔡先生係「運動家」體育用品公司老闆,每年邀請我去跑他的十公里長跑。一聽到就轉頭跑。雖然,平時都有跑步,十個圈難不到我,十公里即係二十五圈,腳都軟啦。況且,我最怕係早起身,七點鐘就要集合。我半夜時兩三點至上牀,即係果一日唔使瞓。唔夠瞓去跑步,好易中途休克。

  講下一年,避下又一年,今年終於參加,因為,蔡生今次用了一招激將法。他的十公里賽搞了一個「10K柏友,長跑長友」活動,是全港首創。蔡生和我們一班舊同學,搞了一個青志體育會,為了幫助柏金遜病人早日康復,減輕病情,發起柏友長跑長有活動。

  研究所得,柏友參加長跑,對身體平衡四肢活動,有明顯改善。體育會中的長跑好手,陪柏友跑了兩個月,然後正式上陣十公里。柏友都可以跑,我是中年胖友,封塵已久的運動細胞,被激活過來。一不怕早起,二不怕莫氣,決心突破局限。

  於是,搭六點西鐵,頭班車入天水圍,風和日麗,濕地公園出發,沿途空氣清爽,感與別不同,萬里無雲,毫無睡意,愈跑愈有,一小時四十分,半行半跑,完成人生第一個十公里。

林超榮

hd