超人能量——做個7-11人

    新年新願望,我的目標——要做一個7-11人,點解要做7-11人,難道,你要做老闆,開一間「便利店」。非也,我要一個Seven-eleven Man,係做一個朝頭早七點起牀,晚上十一時上牀睡覺的人。

  一個Seven-eleven Man係非常健康,站在中醫角度,十一時睡覺,對肝臟是最好的,休養生息,有助排毒。

  如果晚上十一時上牀睡覺,早上成功七時起牀,瞓得飽,精神點,早上頭腦清明,寫稿度橋更加有效率。

  如果一間公司令編劇都可以七時開會,相信創作更有效率,美國華爾街的金融機構,個個投資經理西裝骨骨,身光頸靚,其實個個都係朝早七點就開早會。盤一分鐘上落幾千萬,真係一早起牀,精神奕奕,全力進入作戰狀態。

  我提出做7-11人的計劃,沒有人和議,剛剛相反,有人反建議做一個早十一,晚七的人,每天十一點鐘上班,一直做到七點,其實一樣有效率。

  因為朝頭早十一點回公司,是非繁忙時間,避免塞車之苦,十一點鐘吃個「Bunch」,即係超勁早餐,連午餐也不吃,一直踩到七點鐘收工。七點鐘下班更順暢,駕車的不用塞車,到晚餐的也不用爭位,做一個Eleven-seven Man和Seven-eleven Man一樣健康,因為晚上七點鐘到了晚餐,全晚不用進食。提早吃飯對腸胃消化更有裨益。最後大家作出結論,新的一年,做個7-11人或者一個11-7的人,都是同樣健康快樂。

林超榮


hd