超人能量——五百萬珠寶之謎

    三百萬的名車通街走,我見過,但是,五百萬的首飾珠寶,我就未見過,因為,見到我也不識分真假。

  全城熱話,女BANKER的五百萬鑽石手飾,在男朋友屋企不翼而飛,討論焦點,各有不同。

  「嘩,五百萬,你話,係真定係假?」

  「女有丈夫,男有女兒,佢哋係乜關係?」

  「不是金童玉女,都係潮男索女。」

  「呢一次阿女出事啦,實俾佢老豆打死。」

  「阿女個同學仔仲慘,傻兮兮,變了接賊贓O添。真係累街坊。」

  五百萬鑽石珠寶好少隨身戴,我認識的富貴朋友買了千萬珠寶,戴了一次之後,就會將之收在保險箱,然後,叫人造一件一模一樣的,平時戴在手上出席盛會,沒人懷疑你手上的是假貨,這是上流名媛保護名貴首飾的最佳方法。

  女BANKER將五百萬首飾隨身戴,一係非常富有,五百萬濕濕碎,去到邊,戴到邊,非常隨便。二係,她早有警覺,家裏不是安全地方,一定要日戴夜掛。真係,日防夜防,家賊難防。

  十歲女孩一時「發洩拿走」珠寶,拿回學校送給同學,還是掉進垃圾筒,究竟,五百萬珠寶去了哪裏?

  下半部份,我想到東野圭吾推理小說作結。十年之後,三個二十歲女子 ,走到一山坡角落挖出小罐,裏面有貼紙、公仔,還有鑽石手鏈、手錶……三人曾讀同一間小學。

  小說主角知道,十歲之下犯法,官府不會起訴。

林超榮


hd