超人能量——順德必吃五十道菜(上)

  「中國有八大菜系,最出色都係粵菜系,其中,粵菜之中,最愛吃一定是順德菜。」這句話,說出來,無人反對,因為,我在順德講的,個個都同意,又乾一杯。

  三日兩夜遊順德,由大良食到龍崗、杏壇、均安、陳村,一共吃七十道菜,晚餐分上下半場吃,走兩個地方,一晚吃二十四道菜。

  順德菜真係巧奪天工,粗物精做,千變萬化,來料簡單,一個鮮字,再加烹調火候,配搭精緻,傳統的功力深厚,新派的創意破格,每碟都回味無窮。

  我愈食愈開胃,推薦大家,遊順德,必吃的五十道好菜。

  第一度,均安蒸豬和均安燒豬同桌共吃,均安蒸豬,非常有名,原隻蒸,外形似乳豬,外面鋪芝麻,全隻出爐,師傳一刀開出,一陣白煙升起,肉味撲臉而來。

  舉筷一嚐,一片皮,一片肥,一片肉,層次分明,真係食豬要食肥,吃雞要吃皮,係有道理。

  一件蒸,又吃一件燒。豬皮厚而脆,一口咬下,豬油飆出,非常juicy。不論燒的、蒸的,吃到停不到口,我雖無乜牙力,皮好吃,肉質煙韌,因為,豬係自養,豬仔隨地走,肉質與別不同。

  第二道,菜芯蒸牛肉。真係未吃過,菜芯切碎執底,鮮牛肉鋪上面蒸,設計如黃牛踏青草,好有田園氣息,黃牛不似和牛,美國肥牛,滿有鄉土風味,不肥不膩,夾菜芯吃,健康可口。

林超榮


hd