超人能量——風雲政治家

  特朗普踏入二○一八年,不單止係指點江山,簡直指點地球,全世界氣氛都跟他的脾氣,舞高弄低。

  一時和北韓開會,一時話反枱,在G7峰會共商國際大事,開完會又反臉不認帳,互篤背脊,開始給人玩泥沙不認真的感覺,但係,又覺得笑裏藏刀,深得討價還價的做生意秘訣。總之,特朗普的全新政治風格,開始時,你可以話,總統唔係咁做,但係,你又可以學周星馳喜劇,why not,邊一個話總統唔可以咁樣開會,係你哋懶係民主國家,懶係總統要有啲風度,先至令到你哋做嘢一事無成。

  當日,開完峰會,德國總理默克爾跟歐洲領袖圍住特朗普講數,特朗普一臉吹得我脹的表情,真係令人忍俊不禁。

  所以,我都開始跌眼鏡,特朗普的管治風格,係非常出位,令你防不勝防,估佢唔到。

  你以為他這樣做,是以生意人的手法去管理一個國家,翻雲覆雨,毫無包袱,只要不顧及形象,一齊美國為先,必然得到民眾擁護,雖然,也有人反對,不過,計埋條數,國內民望比國外支持度高,對於下一屆總統選舉,連任有望了。

  其實,特朗普這樣出位,我覺得他是心有不甘,就係上一年,他本該是《時代雜誌》的風雲人物,豈料,輸了給me too,今年,他如此努力,半年時間,已經在世界呼風喚雨,足以成為風雲人物有餘。想深一層,特朗普管治,其實延續以節目主持手法做總統,搶盡風頭,爭做封面。

林超榮


hd