超人能量——生命中,可以承受的煙

  《生命中不能承受的煙》(Smoke)由王穎導演,編劇是《紐約三部曲》的Paul Auster,是一部我非常喜歡的電影,無乜故仔,講煙草店主人夏菲基圖,每天擺個攝影機喺門口,漫無目的拍下店前街景,然後,一班煙客/作家/知識份子在店內買煙草、抽煙、講故仔,你講一段,我又接一段,吞雲吐霧,虛無飄渺,一個寧靜午後的人間煙雲。

  以前男主角抽煙等於思考,現在室內抽煙就係犯法。

  電影已逐步自我「禁止」抽煙,但係,有編劇話,如果,電影主角在室內抽加熱煙,你話得唔得。加熱煙,不用點火,又沒有煙,無火無煙,還可以達到男主角的思考效果嗎?

  我都不知如何會答。

  電視劇吸煙係一定不可以,但係,加熱煙就未曾立法。一直存在灰色地帶。雖然,有醫生代表話,煙就係煙,煙就係有害,係煙都要禁。講到好似消防署的防煙門一樣,長年關閉,寸步不讓。

  但係,加熱煙真係又唔係煙仔喎,係另一種商品。

  毒品都無法禁絕,作為煙仔一種代替品,我這一個非煙民,應為該盡早劃線,不應一刀切,禁還是不禁,不要模梭兩可。

  如果,民主進程都不能一步到位,都要遁序漸進,煙的問題,何嘗不是,不同產品,不同監管。煙之代替品的加熱煙,給煙民另類消費,看來都要食住先。

林超榮


hd